Mangalore Diocese News

By Ivy Serrao

Moodbidri, March 3 : Corpus Christi Church's Catholic Sabha marked its 30th anniversary on March 2, 2025, with a solemn prayer service. The celebrations commenced at 7 a.m. with adoration of the Blessed Sacrament, followed by the Holy Eucharistic Mass. Rev. Fr. Onil D'Souza was the main celebrant, leading the faithful in a spiritually enriching service. Catholic Sabha members actively participated by conducting the liturgy of the Mass. The event was a moment of gratitude and reflection, celebrating three decades of service and faith. Parishioners joined in large numbers, making the occasion a meaningful and memorable one.

The celebration continued in the evening with the stage program & felicitations.

ಕಥೊಲಿಕ್‌ ಸಭಾ ಘಟಕ್ ಮೂಡಬಿದ್ರಿ, ಹಾಚೊ 30 ವೊ ವಾರ್ಷಿಕ್ ಸಂಭ್ರಮ್

News : Ronald Serrao
Pics : Akruthi Studio

ಸಂಭ್ರಮ್ ಕಾರ್ಯಾಚೆ ಅದ್ಯಕ್ಷ್ ಮಾನೇಸ್ತ್ ಎ.ರೊನಾಲ್ಡ್ ಸೆರಾವೊ, ಉದ್ಘಾಟಕ್ ಪಿರ್ಗಜ್ ವಿಗಾರ್ ತಶೆಂಚ್ ಘಟಕಾಚೆ ಆತ್ಮಿಕ್‌ ನಿರ್ದೇಶಕ್ ಬೊ|ಮಾ|ಬಾ| ಒನಿಲ್ ಡಿಸೋಜಾ, ಮುಖೇಲ್ ಸಯ್ರೆ ಕಥೊಲಿಕ್ ಸಭಾ ಕೇಂದ್ರೀಯ್‌ ಸಮಿತಿಚೆ ಅದ್ಲೆ‌ ಅದ್ಯಕ್ಷ್ ಮಾನೇಸ್ತ್ ರೋಲ್ಪಿ ಡಿಕೋಸ್ತಾ, ಮೂಡಬಿದ್ರಿ ಕಥೊಲಿಕ್ ಸಭಾ‌ ವಾರಾಡೊ ಅದ್ಯಕ್ಷ್ ಮಾನೇಸ್ತ್ ಆಲ್ವಿನ್ ರೊಡ್ರಿಗೆಸ್, ಪಿರ್ಗಜ್ ಗೊವ್ಳಿ ಪರಿಷದ್ ಉಪಾದ್ಯಕ್ಷ್ ಮಾನೇಸ್ತ್ ವಿನ್ಸೆಂಟ್ ಡಿ ಸೋಜಾ, ಕಾರ್ಯದರ್ಶಿ ನೋರ್ಬರ್ಟ್ ಮಾರ್ಟಿಸ್, 21 ಆಯೋಗಾಚಿ ಸಂಯೋಜಕಿ ಮಾನೇಸ್ತೀಣ್ ಸೆಲಿನ್ ಡಿ ಸೋಜಾ, ಕಾರ್ಯಾಚೆ ಸಂಚಾಲಕ್ ಮಾನೇಸ್ತ್ ಹೆರಿ ರೇಗೊ, ಘಟಕ್ ಕಾರ್ಯದರ್ಶಿ ಮಾನೇಸ್ತ್ ಕ್ಲಿಪ್ಪರ್ಡ್ ಡಿ ಕೋಸ್ತಾ ವೇದಿರ್ ಹಾಜರ್ ಆಸ್ ಲ್ಲೆ.

ಪವಿತ್ರ್ ಆತ್ಮ್ಯಾಚ್ಯಾ ಗೀತಾ‌ ಸವೆಂ ಕಾರ್ಯಾಚಿ ಸುರ್ವಾತ್ ಕರುನ್, ದೆವಾದೀನ್ ಜಾಲೆಲ್ಯಾ‌ ಅತ್ಮಿಕ್ ನಿರ್ದೇಶಕ್ ಬಾಪಾಂಕ್ ತಶೆಂಚ್ ಸಾಂದ್ಯಾಂಚ್ಯಾ ಅತ್ಮ್ಯಾಂ ಪಾಸತ್ ಮೌನ್ ಪಣಿಂ ಪ್ರಾರ್ಥನ್ ಕೆಲೆಂ.

ಕಾರ್ಯಾಚೊ ಸಂಚಾಲಕ್ ಮಾನೇಸ್ತ್ ಹೆರಿ ರೇಗೊ ಹಾಣಿಂ ಸರ್ವಾಂಕ್ ಸ್ವಾಗತ್ ಮಾಗ್ಲೊ. ಮಾನೇಸ್ತ್ ಕ್ಲಿಪ್ಪರ್ಡ್ ಡಿ ಕೋಸ್ತಾ ಹಾಣಿಂ ಪಾಟ್ಲ್ಯಾ 30 ವರ್ಸಾಂಚಿ ವರ್ಧಿ ಸಭೆಕ್ ದವರ್ಲಿ. ಉಪ್ರಾಂತ್ ಬೊ|ಮಾ| ಒನಿಲ್ ಡಿ ಸೋಜಾ ಬಾಪಾನಿಂ ದಿವೊ ಪೆಟವ್ನ್ ಕಾರ್ಯಾಚೆಂ ಉಗ್ತಾವಣ್ ಕರುನ್, ತಾಂಚ್ಯಾ ಸಂದೇಶಾಂತ್ ಕಥೊಲಿಕ್ ಸಭೆಕ್ ಬೊರೆಂ ಮಾಗೊನ್ ಹೊಗ್ಳಿಕ್ ಉಚಾರ್ಲಿ.

ಉಪ್ರಾಂತ್ ಪಾಟ್ಲ್ಯಾ 30 ವರ್ಸಾಂಚ್ಯಾ ಅವ್ದೆಂತ್ ಸೆವಾ‌ ದಿಲೆಲ್ಯಾ ಅದ್ಯಕ್ಷಾಂಕ್ ತಾಣಿಂ ದಿಲ್ಲ್ಯಾ ಸೆವೆಕ್ ತಾಂಕಾಂ ಮಾನ್ ಪಾಟಯ್ಲೊ. ಮುಖೇಲ್ ಸಯ್ರ್ಯಾನಿಂ ಸೊವಿನಿಯೆರ್ ಬೂಕ್ ಉಗ್ತಾವಣ್ ಕರುನ್ ತಾಂಚ್ಯಾ‌ ಸಂದೇಶಾಂತ್ ಕಥೊಲಿಕ್ ಸಭಾ ಅಮ್ಷ್ಯಾ‌ ಸಮುದಾಯೆ ಥಂಯ್ ಕಸಲೊ ವಾವ್ರ್ ಕರುನ್ ಅಸಾ ಮುಳ್ಳೆ ವಿಶಿಂ ಮಾಹೆತ್ ದಿವುನ್ ಸಂಭ್ರಮ್ ಕಾರ್ಯಾಕ್ ಬೊರೆಂ ಮಾಗ್ಲೆಂ.

ಸೊವಿನಿಯೆರ್ ಸಂಪಾದಕ್ ಮಾನೇಸ್ತ್ ವಿನ್ಸೆಂಟ್ ಮಸ್ಕರೇನ್ಹಾಸ್ ಹಾಂಕಾಂ ತಾಣಿಂ ಕಥೊಲಿಕ್ ಸಭೆಚಿ 30 ವರ್ಸಾಂಚಿ ಚರಿತ್ರಾ ದಾಕ್ಲ್ಯಾ ಸವೆಂ ಸಾಂಬಾಳ್ನ್ ದವರ್ಲ್ಯಾ ಖಾತಿರ್ ಮಾನ್ ಪಾಟಯ್ಲೊ. ಮಾನೇಸ್ತ್ ವಿನ್ಸೆಂಟ್ ಡಿ‌ಸೋಜಾ ತಶೆಂಚ್ ಮಾನೇಸ್ತ್ ಆಲ್ವಿನ್ ರೊಡ್ರಿಗೆಸ್ ಹಾಣಿಂ ಕಥೊಲಿಕ್ ಸಭೆಕ್ ಬೊರೆಂ ಮಾಗೊನ್, ಸಂಭ್ರಮ್ ಕಾರ್ಯಾಕ್ ಶುಭಾಶಯ್‌ ಪಾಟಯ್ಲೆ.

ಮೂಡಬಿದ್ರಿಂತ್ ಕಥೊಲಿಕ್ ಸಭಾ ಘಟಕ್ ಸ್ಥಾಪನ್ ಜಾಲ್ಲಿ ಚರಿತ್ರಾ, ಆಮ್ಚ್ಯಾ ಸಮುದಾಯೆ ಖಾತಿರ್ ಕಥೊಲಿಕ್ ಸಭೆಚೊ ಪಾತ್ರ್, ಆಶೆಂ ಕಾರ್ಯಾಕ್ ಸಹಕಾರ್ ದಿಲೆಲ್ಯಾ ಸರ್ವ್ ದಾನಿಂಕ್, ಮಾರ್ಗದರ್ಶನ್ ದಿಲೆಲ್ಯಾ‌ ಆತ್ಮಿಕ್ ನಿರ್ದೇಶಕ್ ಬಾಪಾಂಕ್‌, ಸರ್ವ್ ಕಥೊಲಿಕ್ ಸಭೆಚ್ಯಾ‌ ಸಾಂದ್ಯಾಂಚೊ ಉಪ್ಕಾರ್ ಬಾವುಡ್ಲೊ. ಉಪ್ರಾಂತ್ ಮಾನಾಚ್ಯಾ ಸಯ್ರ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದಿವುನ್, ಸಹ ಕಾರ್ಯದರ್ಶಿ ಮಾನೇಸ್ತೀಣ್ ಪಾವ್ಲಿನ್ ಲಸ್ರಾದೊ ಹಾಣಿಂ ದನ್ಯವಾದ್ ಪಾಟವ್ನ್ ವೇದಿ ಕಾರ್ಯೆಂ ಸಂಪಯ್ಲೆಂ. ಉಪ್ರಾಂತ್ ಸಾಂಸ್ಕ್ರತಿಕ್ ಕಾರ್ಯಕ್ರಮಾ ಉಪ್ರಾಂತ್ ಜೆವ್ಣಾ ಸವೆಂ‌ ಸಂಭ್ರಮ್ ಕಾರ್ಯಕ್ರಮ್ ಸಂಪಯ್ಲೆಂ.

ಮಾನೇಸ್ತ್ ಆಲ್ಡ್ರಿನ್ ಪೆರ್ನಾಂಡಿಸ್ ಅನಿಂ ಮಾನೇಸ್ತೀಣ್ ನ್ಯಾನ್ಸಿ ಡಿ ಸಿಲ್ವಾ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.