Associations' / Institutions' News

Media Release

Mangaluru, Sep 2 : Konkani Drama 'Bavli' was staged in Mandd Sobhann's 273rd Monthly Theatre here at Kalangan on 1st September 2024.

ಕಲಾಂಗಣಾಂತ್ ಬಾವ್ಲಿ; ಮನಾಂ ಮೆರೆನ್ ಪಾವ್ಲಿ

ಮಾಂಡ್ ಸೊಭಾಣಾಚ್ಯಾ 273 ವ್ಯೆ ಮ್ಹಯ್ನ್ಯಾಳಿ ಮಾಂಚಿಯೆರ್, ಕಲಾಂಗಣಾಂತ್ 01.09.24 ವೆರ್ ಸಾದರ್ ಜಾಲ್ಲೊ ಮಾಂಡ್ ಪಂಗ್ಡಾಚೊ ಬಾವ್ಲಿ ನಾಟಕ್ ಲೊಕಾಂಚ್ಯಾ ಮನಾಂ ಮೆರೆನ್ ಪಾಂವ್ಚ್ಯಾಂತ್ ಜಯ್ತೆವಂತ್ ಜಾಲೊ.

ಅಸ್ಕತ್ ಬಾಂದಾಂನಿ ಉಸ್ಮಡ್ಚೆ ಆನಿ ಉಮ್ಕಾಳ್ಚೆ ಕುಟ್ಮಾಂ ಬಾಂದ್ ಆನಿ ಸುಟ್ಕೆಕ್ ಆಶೆಂವ್ಚೆ ಸಂಬಂಧ್ ಹೆ ತೀರ್ಲ್ ಆಸುಲ್ಲೊ ಹೆನ್ರಿಕ್ ಇಬ್ಸನಾಚೊ ಹೊ ನಾರ್ವೆಜಿಯನ್ ಮುಳಾಚೊ ನಾಟಕ್ ಅರುಣ್ ರಾಜ್ ರೊಡ್ರಿಗಸಾನ್ ಪ್ರಭಾವಿಕ್ ಉತ್ರಾಂನಿ ಕೊಂಕ್ಣೆಕ್ ಅನುವಾದ್ ಕೆಲ್ಲೊ.

ವಿಕಾಸ್ ಕಲಾಕುಲ್ ಹಾಚೆಂ ನಿರ್ದೇಶನ್, ಸಂದೀಪ್ ಆನಿ ಆಮ್ರಿನಾಚಿ ವೆದಿ ಸಜೊವ್ಣಿ ಆನಿ ಅರ್ಲ್ ಬ್ರಾಯನಾಚೊ ಉಜ್ವಾಡಾ ವಿನ್ಯಾಸಾನ್ ನಾಟಕಾಕ್ ವೆಗ್ಳ್ಯಾಚ್ ಸ್ತರಾರ್ ಸಜಯ್ಲೊ. ಕಷ್ಟಾಂಚೊ ನಾಟಕ್ ಸಲೀಸಾಯೆನ್ ಸಾದರ್ ಕರ್ಚ್ಯಾಂತ್ ಸಂದೀಪ್, ಸವಿತಾ, ವೆನಿಶಾ, ಡಾರ್ವಿನ್, ಲವಿಶಾ ಆನಿ ವಿಕಾಸಾಚಿ ಮ್ಹಿನತ್ ಉಟುನ್ ದಿಸ್ತಾಲಿ. ಡೆಲಿಶಿಯಾ ಪಿರೇರಾನ್ ನಾಚಾಂತ್, ಅಶ್ವಿಲ್ ಕುಲಾಸೊನ್ ಸಂಗೀತಾಂತ್ ಸಾಂಗಾತ್ ದಿಲ್ಲೊ. ಏಂಜಲ್ಸ್ ಪಡೀಲ್ ಆನಿ ಸುರಭಿ ಸೌಂಡ್ಸ್ ಹಾಣಿಂ ಉಜ್ವಾಡ್ ಆನಿ ಆವಾಜ್ ಸಾಂಬಾಳ್ಳೊ.

ಕಾರ್ಯಾಚ್ಯೆ ಸುರ್ವೆರ್ 2024-25 ವ್ಯಾ ವರ್ಸಾಕ್ ಕಲಾಕುಲ್ ನಾಟಕ್ ರೆಪರ್ಟರಿಕ್ ವಿಂಚುನ್ ಆಯಿಲ್ಲ್ಯಾ ಅನಿಶಾ ದಾಂತಿಸ್, ಆಶ್ಲಿ ಡಿಸೋಜ, ಡಾರ್ವಿನ್ ಆಲ್ವಾರಿಸ್, ಜೈಸನ್ ಕಾರ್ಲೊ, ಜೊಯ್ಸನ್ ಮಚಾದೊ, ರೊನನ್ ಮೆಂಡೊನ್ಸಾ, ರೊಯ್ಸ್ಟನ್ ಡಿಕುನ್ಹಾ, ವಿಜಯ್ ಕಾರ್ಡೊಜಾ, ವಿನಯ್ ಕಾರ್ಡೊಜಾ, ವಿಲ್ಟನ್ ಫೆರಾವೊ ಹ್ಯಾ 10 ಜಣಾಂಚಿ ವಳಕ್ ಕರುನ್ ಫುಲಾಂಚೊ ಮಾನ್ ಅರ್ಪುನ್ ಯೆವ್ಕಾರ್ ಮಾಗ್ಲೊ.

ಭಾಶೆ ಮೊಗಿ ಆನಿ ಮಾಂಡ್ ಸೊಭಾಣ್ ಅಭಿಮಾನಿ ಕ್ಯಾಪ್ಟನ್ ಹ್ಯೂ ವಾಸ್ ಆನಿ ಡೊರೊತಿ ವಾಸ್ ಜೊಡ್ಯಾನ್ ಘಾಂಟ್ ಮಾರುನ್ ಕಾರ್ಯಾಕ್ ಚಲಾವಣ್ ದಿಲೆಂ. ಗುರ್ಕಾರ್ ಎರಿಕ್ ಒಝೇರ್, ಅಧ್ಯಕ್ಷ್ ಲುವಿ ಪಿಂಟೊ, ಕಾರ್ಯದರ್ಶಿ ಕಿಶೋರ್ ಫೆರ್ನಾಂಡಿಸಾನ್ ಸಾಂಗಾತ್ ದಿಲೊ.