ಸಾಂತ್ ಬಾರ್ತಲೊಮೆವ್ (ಬಾರ್ತಲೋಮಿಯೊ)
ಯಾದ್ : ಅಗೊಸ್ತ್ 24
Altar of San Bartolomeo Basilica in Benevento, Italy, containing the relics of Saint Bartholomew, the Apostle (Photo : Wikimedia Commons)
ಬಾರ್ತಲೊಮೆವ್ ಮ್ಹಣ್ತಾತ್ ತೊ ನಾಥಾನಾಯೆಲ್ ಎಕ್ಲೊಚ್ ಜೆಜುಚ್ಯಾ ಶಿಸಾಂ ಪಯ್ಕಿ ರಾಯಾಳ್ ಕುಳ್ಯೆಚೊ. ಬಾರ್ ತಲ್ಮಾಯ್ ಮ್ಹಳ್ಯಾರ್ ತಲ್ಮಾಯ್‍ಚೊ ಪೂತ್ (ತ್ಯಾ ಘರಾಣ್ಯಾಚೊ). ಹಿ ಕುಳಿ ದಾವಿದಾ ಸವೆಂ ಕಾಜಾರಿ ಬಾಂದ್ ಆಸ್‍ಲ್ಲಿ ಜಾವ್ನಾಸ್ಲಲಿ. ಪಂಡಿತಾಂನಿ ಸಾಂಗ್ಚೆ ಪರ್ಮಾಣೆ ಜೆಜುಕ್ರಿಸ್ತಾಕ್ ತಾಚ್ಯಾ ಜಿವಿತಾ ಕಾಳಾರ್ ಆಪ್ಣಾಕ್‍ಚ್ ಪುರ್ತ್ಯಾನ್ ಖಾಲಿ ಕೆಲ್ಲೊ ಆನಿ ವಿಧೇಯ್ ಜಾಲ್ಲೊ ಶಿಸ್ ಮ್ಹಳ್ಯಾರ್ ಬಾರ್ತೊಲೊಮೆವ್ ಮಾತ್ರ್. “...ಏಕ್ ಖರೊ ಇಸ್ರಾಯೆಲ್‍ಗಾರ್, ಹಾಚೆ ಥಂಯ್ ಕಪಟ್ ಮ್ಹಳ್ಳೆಂ ನಾ", ಮ್ಹಣುನ್ ಜೆಜುನ್ ಹಾಚ್ಯಾ ವಿಶಿಂಚ್ ಸಾಂಗ್‍ಲ್ಲೆಂ.
‘ಕೊಂಕಣಾಂತ್ಲೆಂ ಅಪೊಸ್ತಲಿಕ್ ಕ್ರಿಸ್ತಾಂವ್ಪಣ್’ ಮ್ಹಣ್ಚ್ಯಾ ಕೃತಿಯೆಂತ್ ಹೆಚ್ ಒ ಮಸ್ಕರೇನ್ಹಸ್, ಬಾರ್ತಲೊಮೆವಾನ್ ಸಾಂತ್ ತೊಮಾಸಾ ಸವೆಂ ಕೆನರಾಕ್ ಯೇವ್ನ್ ಭಾವಾಡ್ತ್ ಪ್ರಸಾರ್ ಕೆಲ್ಲೆ ವಿಶಿಂ ವಿವರ್ ದಿಲ್ಯಾತ್. ಸಭಾರ್ ಸಮಕಾಳೀನ್ ಆನಿ ಉಪ್ರಾಂತ್ಲ್ಯಾ ಕೃತಿಯಾಂನಿ ಆಮ್ಕಾಂ ಬಾರ್ತಲೊಮೆವಾನ್ ಕಲ್ಯಾಣ್ಪುರ್, ಬಾರ್ಕೂರ್ ಆನಿ ಭಂವ್ತಿಂತ್ಲ್ಯಾ ಗಾಂವಾಂನಿ ಕ್ರಿಸ್ತಾಕ್ ಪರ್ಗಟ್ ಕೆಲ್ಲೆ ವಿಶಿಂ ವಿವರ್ ಲಾಭ್ತಾತ್. ಬಾರ್ತಲೊಮೆವಾನ್ ಅರ್ಮೇನಿಯಾಂತ್, ಫ್ರಿಗಿಯಾಂತ್, ಹೆಯ್ರಾಪೊಲಿಸಾಂತ್ ಆನಿ ಉಪ್ರಾಂತ್ ಕೆನರಾಂತ್ (ಇಂಡಿಯಾ) ಕ್ರಿಸ್ತಾಚಿ ಬರಿ ಖಬಾರ್ ಪರ್ಗಟ್ಲಿ ಮ್ಹಣುನ್ ದಾಕ್ಲೆ ಸಾಂಗ್ತಾತ್.
ಜೆಜುಚೊ ಏಕ್ ಅಪೊಸ್ತಲ್ ಆಮ್ಚೆ ಮಧೆಂ ವಾವುರ್ಲೊ ಆನಿ ತಾಣೆ ಹಾಂಗಾಸರ್ ಭಾವಾಡ್ತಾಚೆಂ ಭೀಂ ವೊಂಪ್ಲೆಂ ಮ್ಹಣ್ಚೆಂ ಆಮ್ಕಾಂ ವ್ಹಡ್ ಅಭಿಮಾನಾಚೆಂ. ಹ್ಯಾ ವಿಶಿಂ ಚಡ್ ಅಧ್ಯಯನ್ ಆಮ್ಕಾಂ ಗರ್ಜೆಚೆಂ.
ಕೃಪಾ : ’ಸಾಂತಿಪಣಾಚ್ಯಾ ವಾಟೆರ್’
(ಸಾಂತ್‍ಭಕ್ತ್, ಮರಿ, ಶ್ರೇಷ್ಟ್ ಭಡ್ವೆ, ಪಾಪ್‍ಸಾಯ್ಬಾಂಚೊ ಆನಿ ಸದಾಂಚ್ಯಾ ಗರ್ಜೆಚ್ಯಾ ಮಾಗ್ಣ್ಯಾಂಚೊ ವಿವರ್ ಪುಸ್ತಕ್)
ಸಂಗ್ರಾಹಕ್ : ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆ
ಪರ್ಗಟ್ಣಾರ್ : ಜೆ ಜೆ ಪಬ್ಲಿಕೇಶನ್ಸ್, ಮಂಗ್ಳುರ್
First Impression : December 2016
.png)
.png)
.png)