Mangaluru : Feast of Our Lady of the Holy Rosary celebrated at Rosario Cathedral

CT News

Mangaluru, Oct 11 : Feast of Our Lady of the Holy Rosary was celebrated at Rosario Cathedral here on Sunday, October 9, 2022. Rev. Fr. Victor D'souza , the Asst. Director of Friendship house, Talapady was the main celebrant of the mass. Cathedral's Rector Rev Fr Alfred Pinto and other priests con-celebrated.

ರುಜಾಯ್ ಫಿರ್ಗಜೆಂತ್ ರೊಜಾರ್ ಮಾಯೆಚೆ ಫೆಸ್ತ್ ಆಚರಣ್

2022 ಅಕ್ತೋಬರ್ 9 ತಾರಿಕೆರ್ ಆಯ್ತಾರಾ ಸಕಾಳಿಂ 8.30 ವ್ಹರಾಚಾ ಮಿಸಾರ್ ರುಜಾಯ್ ಫಿರ್ಗಜೆಂತ್ ರೊಜಾರ್ ಮಾಯೆಚೆ ಫೆಸ್ತ್ ಆಚರಣ್ ಕೆಲೆ. ಮಾ|ಬಾ| ವಿಕ್ಟರ್ ಡಿ’ಸೋಜಾ, ಸಹಾಯಕ್ ದಿರೆಕ್ತೊರ್ ಫ್ರಾಂಡ್ಶಿಪ್ ಹೌಸ್ ತಲಪಾಡಿ ಹಾಣಿ ಮಿಸಾಚೆ ಬಲಿದಾನ್ ಭೆಟಯ್ಲೆ. ಮಿಸಾ ಪಯ್ಲೆಂ ಮುಡ್ದೊಮ್, ದಾನ್ ದಿಲ್ಲ್ಯಾಂಕ್, ಆದ್ಲ್ಯಾ ಬೆನೆಫೆಕ್ಟರ್ಸಾಂಕ್, ಗೊವ್ಳಿಕ್ ಪರಿಷದೆಚಾ ಸಾಂದ್ಯಾಂಕ್ ಮಾನಾಚಿ ವಾತ್ ವಾಂಟ್ಲಿ.

ಭೆಸ್ಪ್ ಆನಿ ವಾತಿಂಚೊ ಪುರ್ಶಾಂವ್

ಆಕೋಬರ್ 8, 2022 ತಾರಿಕೆರ್ ರೊಜಾರ್ ಮಾಯೆಚ್ಯಾ ಫೆಸ್ತಾಚ್ಯಾ ಆದ್ಲ್ಯಾ ದಿಸಾ ಸನ್ವಾರಾ ಸಾಂಜೆರ್ 5 ವ್ಹರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನಾ ಸವೆಂ ಬೆಸ್ಪ್ ಆನಿ ವಾತಿಚೊ ಪುರ್ಶ್ಯಾಂವ್ ಭೋವ್ ಶಿಸ್ತೆನ್ ಆನಿ ಸಂಭ್ರಮಾನ್ ಚಲ್ಲೊ. ಮಾ| ಬಾ| ಲಿಯೋ ಪ್ರವೀಣ್ ಲಸ್ರಾದೊ, ರೆಕ್ಟರ್ ಗ್ಲ್ಯಾಡ್ಸಮ್ ಹೋಂ ಹಾಣಿ ಪ್ರಧಾನ್ ಮಣಿಯಾರಿ ಜಾವ್ನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಯುವಜಣಾಂನಿ ಖಾಣಾಂ ಜೆವ್ಣಾಚೆಂ ಅನಿ ಖೆಳಾಚೆಂ ಸ್ಟಾಲ್ ಘಾಲ್ಲೆಂ.

ರೊಜಾರ್ ಮಾಯೆಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ತ್ರಿದುಮ್

ಅಕ್ಟೋಬರ್ 05 ಥಾವ್ನ್ 07 ತಾರಿಕೆ ಮ್ಹಣಸರ್ ರೊಜಾರ್ ಮಾಯೆಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ತೀನ್ ದಿಸಾಚೆಂ ಮೀಸ್ ಆನಿ ನೊವೆನಾಚೆಂ ಭಕ್ತಿಪಣ್ ಭೋವ್ ಸಂಭ್ರಮಾನ್ ಚಲ್ಲೆಂ. ಹ್ಯಾ ಸಂದರ್ಭಿ ಪ್ರಧಾನ್ ಯಾಜಕ್ ಜಾವ್ನ್ ಬಾಪ್ ಜೊಸ್ವಿನ್ ಪ್ರವೀಣ್ ಡಿಸೋಜಾ ಪ್ರಾದ್ಯಾಪಕ್ ಜೆಪ್ಪು ಸೆಮಿನರಿ, ಮಾ|ಬಾ| ಅಂಡ್ರ್ಯೂ ಲಿಯೋ ಡಿ’ಸೋಜ, ಬೊಂದೆಲ್ ಫಿರ್ಗಜಿಚೆ ವಿಗಾರ್ ಆನಿ ಮಾ|ಬಾ| ಪಾವ್ಲ್ ಸೆಬೆಸ್ಟಿಯನ್ ಡಿಸೋಜಾ ಹಾಣಿ ತ್ರಿದುಮಾಚ್ಯಾ ತೀನ್ ದಿಸಾಂನಿ ಮರಿ ಮಾಯ್ ಕುರ್ಪೆನ್ ಭರ್ಲೆಲಿ, ಮರಿ ಮಾಂಯ್ ಸರ್ಗಾ ಸಂಸಾರಾಚಿ ರಾಣಿ ಅನಿ ಮರಿ ಮಾಂಯ್ ಕುಟ್ಮಾಚಿ ರಾಣಿ ಹೆ ವಿಶಿಂ ಪ್ರಸಂಗ್ ದಿಲೊ.

ಭಾವ್-ಭಾಂದವ್ಪಣಾಚೊ ಆಯ್ತಾರ್ ವಾ ಕೊಂಫ್ರಿಚೊ ಆಯ್ತಾರ್

ಆಕ್ಟೋಬರ್ 02, 2022: ರೊಜಾರ್ ಮಾಯೆಚ್ಯಾ ಫೆಸ್ತಾ ಸಂದರ್ಭಿ ಸರ್ವ್ ಫಿರ್ಗಜ್ ಕುಟ್ಮಾಚೊ ಎಕ್ತಾರ್ ಆಟಾಪ್ಚೆಂ ಭಾವ್-ಭಾಂದವ್ಪಣಾಚೊ ಆಯ್ತಾರ್ ವಾ ಕೊಂಫ್ರಿಚೊ ಆಯ್ತಾರ್ ಆಕ್ಟೋಬರ್ 2 ತಾರಿಕೆರ್ ಭೋವ್ ಸಂಭ್ರಮಾನ್ ಚಲ್ಲೊ. ಪ್ರಧಾನ್ ಯಾಜಕ್ ಬಾಪ್ ಜೆ.ಬಿ ಕ್ರಾಸ್ತಾ, ದಿರೆಕ್ತೊರ್ ಸಾಂ. ಅಂತೊನ್ ಆಸ್ರೊ ಹಾಣಿ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಎವ್ಕರಿಸ್ತಾಚೆಂ ಆರಾಧನ್ ಚಲೊವ್ನ್ ವ್ಹೆಲೆಂ. ‘ಕುಟಾಮ್-ಎವ್ಕರಿಸ್ತ್ ಜಿಯೆಂವ್ಚೆಂ ಥಳ್’ ಮ್ಹಳ್ಳ್ಯಾ ವಿಶಯಾಚೆರ್ ಆರ್ಥಾಭರಿತ್ ಪ್ರಸಂಗ್ ದಿಲೊ. ಎವ್ಕರಿಸ್ತಾ ಭೊಂವಾರಿ ಫಿರ್ಗಜ್ ಕುಟ್ಮಾಚೊ ಎಕ್ವಟ್ ಜಾಂವ್ಚ್ಯಾಕ್ ಎವ್ಕರಿಸ್ತಾಚೊ ಖರೊ ಆರ್ಥ್ ಸಮ್ಜೊನ್ ಎವ್ಕರಿಸ್ತಾಕ್ ಮಾನ್ ಆನಿ ಗೌರವ್ ಚಡಂವ್ಚ್ಯಾಕ್ ಮಾಗ್ಲೆಂ ಆನಿ ಕುಟ್ಮಾಚೆಂ ಸಮರ್ಪಣ್ ಕೆಲೆಂ.