Mangalore Diocese News

By John Menezes

Moodbidri, Mar 3 : The Annual Catechism Day was meaningfully celebrated at Corpus Christi Church here on Sunday, 26th February 2023.

ಕೊರ್ಪುಸ್ ಕ್ರಿಸ್ತಿ ಫಿರ್ಗಜ್ - ಕ್ರೀಸ್ತಿ ಶಿಕ್ಷಣಾಚೊ ದಿವಸ್

2023 ಫೆಬ್ರೆವರಿ 26 ತಾರ್ಕೆರ್ ಆಯ್ತಾರಾ ಕೊರ್ಪುಸ್ ಕ್ರಿಸ್ತಿ ಫಿರ್ಗಜ್ ಮೂಡುಬಿದ್ರಿಚಾ ಶಿಕ್ಷಕಿಂ ಆನಿ ಭುರ್ಗ್ಯಾಂನಿ ಕ್ರಿಸ್ತಿ ಶಿಕ್ಷಣಾಚೊ ದಿವಸ್ ಆಚರಣ್ ಕೆಲೊ. 7.00 ವರಾರ್ ಶಿಕ್ಷಕಿಂನಿ ಖುರ್ಸಾ ವಾಟ್ ಚಲವ್ನ್ ವೆಲಿ. 7.30 ವರಾಂಚಾ ಮಿಸಾಚಿ ಲಿತುರ್ಜಿ ಭುರ್ಗ್ಯಾಂನಿ ಚಲವ್ನ್ ವೆಲಿ.

ಮಿಸಾ ಉಪ್ರಾಂತ್ ಸರ್ವ್ ಭುರ್ಗ್ಯಾಂಕ್ ಇಗರ್ಜೆಚ್ಯಾ ಮೈನ್ ಹೊಲಾಂತ್ ( ಸಭಾ ಸಾಲಾಂತ್) ಕಾಫಿ ಫಳಾರ್ ದಿಲೊ. 9.15 ವರಾರ್ ಬಹುಮಾನ್ ವಿತರಣ್ ಕಾರ್ಯಕ್ರಮ್ ಮಾಂಡುನ್ ಹಾಡ್ಲೆಂ. ಭುರ್ಗ್ಯಾಂಚ್ಯಾ ಗಾಯನ್ ಮಂಡಳಿನ್ ಪ್ರಾರ್ಥನ್ ಗೀತ್ ಗಾವ್ನ್ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. ಫಿರ್ಗಜ್ ವಿಗಾರ್ ಬೊ|ಮಾ| ಒನಿಲ್ ಸೋಜ್, ಉಪಾಧ್ಯಕ್ಷ್ ಮಾನೆಸ್ತ್ ವಿನ್ಸೆಂಟ್ ಸೋಜ್, ಅಯೊಗಾಂಚಿ ಸಂಯೊಜಕಿ ಮಾನೆಸ್ತಿಣ್ ಸೆಲಿನ್ ಸೋಜ್, ಕ್ರಿಸ್ತಿ ಶಿಕ್ಷಣ್ ಅಯೊಗಾಚಿ ಸಂಚಾಲಕಿ ಮಾನೆಸ್ತಿಣ್ ನೆನ್ಸಿ ಡಿಸಿಲ್ವಾ ಟಿಚೆರ್, ಶಿಕ್ಷಕಿಂ, ಭುರ್ಗಿಂ ತಸೆಂ ವಡಿಲಾಂಯ್ ಹಾಜರ್ ಆಸ್ ಲ್ಲಿಂ.

2022-2023 ವರ್ಸಾಚಾ ಪರಿಕ್ಷೆಂತ್ ಬರೆ ಅಂಕ್ ಗಳ್ಸಿಲ್ಲ್ಯಾಂಕ್ ತಸೆಂಚ್ ಇತರ್ ಚಟುವಟಿಕೆನಿಂ ವಿಜೇತ್ ಜಾಲ್ಲ್ಯಾಂಕ್ ಬಹುಮನ್ ವಿತರಣ್ ಕೆಲಿಂ. ಬೊ|ಮಾ| ಒನಿಲ್ ಸೋಜಾನ್ ಜಮ್ ಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಉಲ್ಲಾಸ್ ಪಾಠಯ್ಲೆ ಆನಿ ಅರ್ಥಾಭರಿತ್ ಸಂದೇಶ್ ದೀವ್ನ್ ಮುಕ್ಲ್ಯಾ ದಿಸಾಂನಿ ತಾಣಿಂ ಬರಂವ್ಚ್ಯಾ ಶೈಕ್ಷಣಿಕ್ ಪರಿಕ್ಷೆಂತ್ ಉತ್ತಮ್ ಫಲಿತಾಂಶ್ ಯೆಶೆಂ ಬರೆಂ ಮಾಗ್ಲೆಂ.

ನವ್ಯಾ ಕ್ಲಾಸಿಚ್ಯಾ ಮರಿಸ್ಸಾ ಮೊರಾಸಾನ್ ಕಾರ್ಯ ನಿರ್ವಾಹಣ್ ಕೆಲೆಂ. ಸವ್ಯಾ ಕ್ಲಾಸಿಚ್ಯಾ ಸಾನ್ವಿ ಡಿಸೊಜಾನ್ ಸರ್ವಾಂಕ್ ಸ್ವಾಗತ್ಸಿಲೆಂ. ಶಿಕ್ಷಕಿ ಮಾನೆಸ್ತಿಣ್ ಕ್ಲಾರಾ ಡಿಕೊಸ್ತಾನ್ 2022-2023 ವರ್ಸಾಚಿ ವರ್ದಿ ವಾಚ್ಲಿ, ಅಟ್ವ್ಯಾ ಕ್ಲಾಸಿಚ್ಯಾ ರಾಲ್ಫ್ ಮಿನೇಜಸಾನ್ ಕ್ರೀಸ್ತಿ ಶಿಕ್ಷಣಾಚೊ ಅನ್ಭೊಗ್ ವಾಂಟುನ್ ಘೆತ್ಲೊ. ಸಾತ್ವ್ಯಾ ಕ್ಲಾಸಿಚ್ಯಾ ಕ್ಲೆರಿಸ್ಸಾ ಡಿಕೊಸ್ತಾನ್ ಧನ್ಯವಾದ್ ಪಾಠಯ್ಲೆ. 10.00 ವರಾರ್ ಅರ್ಗಾಂ ಗಿತಾ ಸವೆಂ ಕಾರ್ಯೆಂ ಸಂಪಯ್ಲೆಂ.