Udupi Diocese News

CT News

Attur - Karkala, Aug 1 :The eighth annual celebration of the proclamation and dedication of St Lawrence Minor Basilica and nine days novena, prior to the titular feast was inaugurated at Attur on 1st August, 2024.

ಸಾಂ. ಲೊರೆಸ್ ಬಾಸಿಲಿಕಾಚ್ಯಾ ಸಮರ್ಪಣ್ ಆನಿ ಪರ್ಗಟ್ಣೆಚೊ ಆಟ್ವೊ ವಾರ್ಷಿಕೋತ್ಸವ್ ಆನಿ ತಾರಿಕೆಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ನೋವ್ ದಿಸಾಂಚ್ಯಾ ನೊವೆನಾಕ್ ಸುರ್ವಾತ್

ಅತ್ತೂರ್, 01 ಅಗೋಸ್ತ್ 2024 : ಸಾಂ. ಲೊರೆಸ್ ಬಾಸಿಲಿಕಾ ಅತ್ತೂರ್‍ಚ್ಯಾ ತಾರಿಕೆ ಫೆಸ್ತಾಕ್ ತಯಾರಾಯ್ ಜಾವ್ನ್ ನೋವ್ ದಿಸಾಂಚ್ಯಾ ನೊವೆನಾಕ್ ಸುರ್ವಾತ್ ಜಾವ್ನ್ ಪಯ್ಲ್ಯಾ ದಿಸಾ ಭೋವ್ ಮಾನಾದಿಕ್ ಬಾಪ್ ರೋಶನ್ ಡಿ’ಸೋಜ, ಉಡುಪಿ ದಿಯೆಸಿಜಿಚೆ ಚಾನ್ಸಲರ್ ಹಾಣಿಂ ಸಾಂ. ಲೊರೆಸಾಚಿ ಅಜಾಪಾಂಚಿ ಇಮಾಜ್ ಆಶೀರ್ವಾದಿತ್ ಕರುನ್ ಉಪ್ರಾಂತ್ ಬಾವ್ಟೊ ಉಬಾರ್ಚೆ ಮಾರಿಫಾತ್ ನೊವೆನಾಕ್ ಚಾಲನ್ ದಿಲೆಂ. ಭೋವ್ ಮಾನಾದಿಕ್ ಬಾಪ್ ರೋಶನ್ ಡಿ’ಸೋಜ ಹಾಣಿಂ ಸಾಂ. ಲೊರೆಸಾಚ್ಯಾ ಫೆಸ್ತಾಚ್ಯಾ ಮಹತ್ವಾವಿಶಿಂ ಸಂದೇಶ್ ದಿಲೊ.

ಹ್ಯಾ ಕಾರ್ಯಾಂತ್ ಬಾಸಿಲಿಕಾಚೆ ರೆಕ್ಟರ್ ಆನಿ ಕಾರ್ಕೊಳ್ ವಾರಾಡ್ಯಾಚೆ ವಿಗಾರ್‍ವಾರ್ ಭೋವ್ ಮಾನಾದಿಕ್ ಬಾಪ್ ಆಲ್ಬನ್ ಡಿ’ಸೋಜ, ಸಹಾಯಕ್ ವಿಗಾರ್ ಮಾನಾದಿಕ್ ಬಾಪ್ ಲ್ಯಾರಿ ಪಿಂಟೊ, ಆತ್ಮಿಕ್ ನಿರ್ದೇಶಕ್ ಮಾನಾದಿಕ್ ಬಾಪ್ ರೋಮನ್ ಮಸ್ಕರೇನಸ್ ಆನಿ ಸಾಂ. ಲೊರೆಸಾಚೆ ಭಕ್ತಿಕ್ ಹಾಜರ್ ಆಸ್‍ಲ್ಲೆ. ಹೆಂ ಕಾರ್ಯೆಂ ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಶ್ರೀ ಸಂತೋಷ್ ಡಿ’ಸಿಲ್ವ ಹಾಣೆಂ ಚಲೊವ್ನ್ ವ್ಹೆಲೆಂ.

ತ್ಯಾ ನಂತರ್ ಮಾಗ್ಣೆಂ ಆಮ್ಚಿಂ ಕುಟ್ಮಾಂ ಎಕ್ವಟಿತ್ ದವರ್ತಾ ಮ್ಹಳ್ಳ್ಯಾ ವಿಷಯಚೆರ್ ಆರಾಧನ್ ಆನಿ ಮಿಸಾಚೆಂ ಬಲಿದಾನ್ ಮಾನಾದಿಕ್ ಬಾಪ್ ರೋಶನ್ ಡಿ’ಸೋಜ ಹಾಣಿಂ ಚಲೊವ್ನ್ ವ್ಹೆಲೆಂ. ಪಯ್ಲ್ಯಾ ದಿಸಾಚೆಂ ನೊವೆನ್ ಮಾನಾದಿಕ್ ಬಾಪ್ ಆಲ್ಬನ್ ಡಿ’ಸೋಜ ಹಾಣಿಂ ಚಲೊವ್ನ್ ವ್ಹೆಲೆಂ ಆನಿ ಕುಟ್ಮಾ ಪಾಸತ್ ಮಾಗ್ಣಿಂ ಭೆಟಯ್ಲಿಂ. ಆಯಿಲ್ಲ್ಯಾ ಸರ್ವ್ ಭಕ್ತಿಕಾಂಕ್ ಜೆವ್ಣಾಚಿ ವ್ಯವಸ್ಥಾ ಆಸಾ ಕೆಲ್ಲಿ.

Watch Video :