Mangalore Diocese News

By Sunil Prashan

Moodbidri , Dec 2 : The Silver Jubilee celebration of Catholic Sabha Gantalkatte unit was held on 28th November 2021, at Our Lady of Perpetual Succour Church, Gantalkatte.

ಕಥೊಲಿಕ್ ಸಭಾ ಗಂಟಾಲ್ಕಟ್ಟೆ ಘಟಕಾಚೊ ರುಪ್ಯೋತ್ಸವ್ ಸಂಭ್ರಮ್ಲೊ

ಗಂಟಾಲ್ಕಟ್ಟೆ ಫಿರ್ಗಜೆಂತ್ ಕಥೊಲಿಕ್ ಸಭಾ ಆರಂಭ್ ಜಾವ್ನ್ ಪಂಚ್ವೀಸ್ ವರ್ಸಾಂ ಸಂಪ್ಚ್ಯಾ ಹ್ಯಾ ವಗ್ತಾ ರುಪ್ಯೋತ್ಸವ್ ಸಂಭ್ರಮ್ 28.11.2021 ವೆರ್ ಸಂಭ್ರಮ್ಲೊ. 2020 ಅಕ್ಟೋಬರಾಂತ್ ಆರಂಭ್ ಕೆಲ್ಲೆಂ ರುಪ್ಯೋತ್ಸವ್ ವರಸ್ ಆಜ್ ಸಂಪ್ಲೆಂ. ಸಕಾಳಿಂ ಧಾ ವರಾಂಕ್ ಮಂಗ್ಳುರ್ ದಿಯೆಸೆಜ್ ವಿಗಾರ್ ಜೆರಾಲ್ ಮೊನ್ಸಿಂಜೋರ್ ಮ್ಯಾಕ್ಸಿಂ ನೊರೋನ್ಹಾ ಬಾಪಾನಿಂ ಪ್ರಧಾನ್ ಯಾಜಕ್ ಜಾವ್ನ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಮೂಡ್ ಬಿದ್ರಿ ವಾರಾಡೊ ಕಥೊಲಿಕ್ ಸಭಾ ಆತ್ಮಿಕ್ ನಿರ್ದೇಶಕ್ ಮಾ. ಬಾ. ದೀಪಕ್ ನೊರೋನ್ಹಾ, ಫಿರ್ಗಜ್ ವಿಗಾರ್ ಮಾ. ಬಾ, ರೊನಾಲ್ಡ್ ಡಿ’ಸೋಜಾ ಹಾಣಿಂ ಸಹ ಭೆಟವ್ಣಿ ಕೆಲಿ.

ದೊನ್ಪಾರಾಂ 11.30 ವರಾಂಕ್ ನಿತ್ಯಾದಾರ್ ಸಭಾ ಭವನಾಂತ್ ವೆದಿ ಕಾರ್ಯೆಂ ಆರಂಭ್ ಕೆಲೆಂ. ಫಿರ್ಗಜ್ ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಮಾನೆಸ್ತ್ ಲುವಿಸ್ ಡಿ’ಸಿಲ್ವಾ ನ್ ಕಾರ್ಯಾಚೆಂ ಅಧ್ಯಕ್ಷ್ ಪಣ್ ಘೆತ್ ಲ್ಲೆಂ. ವಿಗಾರ್ ಜೆರಾಲ್ ಮೊನ್ಸಿಂಜೋರ್ ಮ್ಯಾಕ್ಸಿಂ ನೊರೋನ್ಹಾ ಬಾಪಾನಿಂ ಕಾರ್ಯಚೆಂ ಉಗ್ತಾವಣ್ ಕೆಲೆಂ. ಮೆಕೆಲ್ ಸಯ್ರೆ ಜಾವ್ನ್ ಮಾನೆಸ್ತ್ ವಾಲ್ಟರ್ ನಂದಳಿಕೆ, ಮೂಡ್ ಬಿದ್ರಿ ವಾರಾಡೊ ವಿಗಾರ್ ವಾರ್ ಬೋ. ಮಾ. ಬಾಪ್ ಪಾವ್ಲ್ ಸಿಕ್ವೇರಾ, ಕಥೊಲಿಕ್ ಸಭೆಚೊ ಕೇಂದ್ರಿಯ್ ಅಧ್ಯಕ್ಷ್ ಮಾನೆಸ್ತ್ ಸ್ಟ್ಯಾನಿ ಲೋಬೊ, ಆಮ್ಚೆ ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಪ್ರಕಾಶ್ ಡಿ’ಸೋಜಾ, ವಾರಾಡೊ ಕಥೊಲಿಕ್ ಸಭಾ ಆತ್ಮಿಕ್ ನಿರ್ದೇಶಕ್ ಮಾ. ಬಾ. ದೀಪಕ್ ನೊರೋನ್ಹಾ, ಕಥೊಲಿಕ್ ಸಭಾ ಆರಂಭ್ ಕರ್ತಾನಾಂ ಫಿರ್ಗಜೆಂತ್ ಸೆವಾ ದೀವ್ನ್ ಆಸ್ಲೆಲೆ ತವಳ್ಚೆ ವಿಗಾರ್ ಪ್ರಸ್ತುತ್ ಪೆರಾರ್ ಫಿರ್ಗಜೆಚೆ ವಿಗಾರ್ ಮಾ. ಬಾ. ಆಂಟನಿ ಲುವಿಸ್, ವಾರಾಡೊ ಕಥೊಲಿಕ್ ಸಭಾ ಅಧ್ಯಕ್ಷ್ ಮಾನೆಸ್ತ್ ಮನೋಹರ್ ಕುಟಿನ್ಹಾ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ಲಿಯೋ ಡೆನಿಯಲ್ ಡಿಸಿಲ್ವಾ, ರುಪ್ಯೋತ್ಸವ್ ಕಾರ್ಯಚೊ ಸಂಚಾಲಕ್ ಮಾನೆಸ್ತ್ ಆಲ್ವಿನ್ ಸಂತೋಷ್ ಮಿನೇಜಸ್, ನಿಕಟ್ ಪೂರ್ವ್ ಅಧ್ಯಕ್ಷಿಣ್ ಶ್ರೀಮತಿ ಅನಿತಾ ಕೊರೆಯಾ, ಕಾರ್ಯದರ್ಶಿ ಅರುಣ್ ಸುನಿಲ್ ಪಿರೇರಾ ವೆದಿರ್ ಹಾಜರ್ ಆಸ್ ಲ್ಲೆ.

ಇಂಡಿಯನ್ ಐಡಲ್ ಪೈನಲಿಸ್ಟ್ ಮಾನೆಸ್ತ್ ನಿಹಾಲ್ ತಾವ್ರೊ ಆನಿ ದಕ್ಷಿಣ್ ಕನ್ನಡ ಜಿಲ್ಲಾ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ 2021 ಪುರಸ್ಕೃತ್ ಮಾನೆಸ್ತ್ ಅನಿಲ್ ರೂಬನ್ ಮೆಂಡೋನ್ಸಾ ಹಾಂಕಾ ಸನ್ಮಾನ್ ಕೆಲೊ. ನಿಹಾಲ್ ತಾವ್ರೊಕ್ ಕಾರ್ಯ ನಿಮ್ತಿಂ ಯೆಂವ್ಕ್ ಜಾಯ್ನಾತ್ಲ್ಯಾನ್ ತಾಚೊ ಬಾಪಯ್ ಮಾನೆಸ್ತ್ ಹೆರಾಲ್ಡ್ ತಾವ್ರೊನ್ ಹೊ ಮಾನ್ ಸ್ವೀಕಾರ್ ಕೆಲೊ. ಫಿರ್ಗಜೆಂತ್ ಸೆವಾ ದಿಲ್ಲ್ಯಾ ಆದ್ಲ್ಯಾ ಸರ್ವ್ ಕಥೊಲಿಕ್ ಸಭಾ ಅತ್ಮಿಕ್ ನಿರ್ದೇಶಕ್ ಬಾಪಾಂಕ್ ಸನ್ಮಾನ್ ಕಾರ್ಯೆಂ ಆಸಾ ಕೆಲ್ಲೆಂ, ತಾಂತುನ್ ಮಾ. ಬಾ. ಆಂಟನಿ ಲುವಿಸ್ ಹಾಜರ್ ಆಸ್ ಲ್ಲೆ. ತಶೆಂಚ್ಚ್ ಪಂಚ್ವೀಸ್ ವರ್ಸಾನಿಂ ಕಥೊಲಿಕ್ ಸಭೆಚೆ ಅಧ್ಯಕ್ಷ್ ಜಾವ್ನಾಸ್ ಲ್ಲ್ಯಾ ಸರ್ವ್ ಆದ್ಲ್ಯಾ ಅಧ್ಯಕ್ಷಾಂಕ್ ಮಾನ್ ಕೆಲೊ.

ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಮಾನೆಸ್ತ್ ಲುವಿಸ್ ಡಿ’ಸಿಲ್ವಾ ನ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಕಾರ್ಯದರ್ಶಿ ಮಾನೆಸ್ತ್ ಅರುಣ್ ಸುನಿಲ್ ಪಿರೇರಾನ್ ವರ್ದಿ ವಾಚ್ಲಿ. ಮಾನೆಸ್ತ್ ಆಲ್ವಿನ್ ಮಿನೇಜಸ್ ಆನಿ ಮಾನೆಸ್ತ್ ಗೋಡ್ವಿನ್ ಮಿನೇಜಸ್ ಹಾಣಿಂ ಕಾರ್ಯೆಂ ಚಲವ್ನ್ ವ್ಹೆಲೆಂ. ರುಪ್ಯೋತ್ಸವ್ ಕಾರ್ಯಚೊ ಸಂಚಾಲಕ್ ಮಾನೆಸ್ತ್ ಆಲ್ವಿನ್ ಸಂತೋಷ್ ಮಿನೇಜಸ್ ಹಾಣೆಂ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಕಾರ್ಯ ಉಪ್ರಾಂತ್ ಸರ್ವಾಂಕ್ ಮಾಸಾ ಜೆವ್ಣಾಚಿ ವ್ಯವಸ್ಥಾ ಕೆಲ್ಲಿ.