Rosario Youth Movement holds 'Aqua Fest' for parishioners

CT News

Mangaluru, Aug 27, 2024 : Rosaio Youth Movement organised 'Aqua Fest 2024' monsoon special games for parishioners on 25th August at Rosario Cathedral.

ರುಜಾಯ್ ಯುವ ಸಂಚಲನ್ (RYM) ಥಾವ್ನ್ "ಆಕ್ವಾ ಫೆಸ್ಟ್ 2024" ಆಯೋಜನ್

ರುಜಾಯ್ ಮಾಯೆಚೆಂ ಕಾಥೆದ್ರಾಲ್, ಮಂಗ್ಳುರ್ ಹಾಂಗಾಸರ್ ರುಜಾಯ್ ಯುವ ಸಂಚಲನ್ (RYM) ಆನಿ ವೈ.ಸಿ.ಎಸ್. ಚ್ಯಾ ಜೋಡ್ ಅಸ್ರ್ಯಾ ಖಾಲ್ ಫಿರ್ಗಜ್ ಕುಟ್ಮಾಚ್ಯಾ ವಿಗಾರ್ ಆನಿ ಸಹಾಯಕ್ ವಿಗಾರ್ ಬಾಪಾಂಚ್ಯಾ ಮಾರ್ಗದರ್ಶನಖಾಲ್, ತಶೆಂಚ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಆನಿ ಸರ್ವ್ ವಾಡ್ಯಾಗಾರಾಂಚ್ಯಾ ಸಹಕಾರಾನ್, ಆಯ್ತಾರಾ, 25.08.2024 ವೆರ್ ಸಾಂಜೆರ್ 3 ವೊರಾರ್ ಆಕ್ವಾ ಫೆಸ್ಟ್ ಕಾರ್ಯಕ್ರಮ್ ಸಂಭ್ರಮಣ್ ಕೆಲೆಂ. ಫಿರ್ಗಜ್ ಕುಟ್ಮಾ ತರ್ಫೆನ್ ವಿಗಾರ್ ಬಾಪ್ ಆಲ್ಫ್ರೆಡ್ ಜೆ. ಪಿಂಟೊ, ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ವಸ್ತೆ ಯಾಜಕ್ ಬಾಪ್ ವಲೇರಿಯನ್ ಫ್ರಾಂಕ್, 21 ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ, ಎಪಿಸ್ಕೊಪಲ್ ಸಿಟಿ ವಾರಾಡ್ಯಾ ಥಾವ್ನ್ ಐ.ಸಿ.ವೈ. ಎಂ. ಪ್ರತಿನಿಧಿ, ಆರ್. ವೈ. ಎಮ್. ಅಧ್ಯಕ್ಷ್ ಕು. ಅವ್ರಿಲ್ ಡಿಸೋಜ, ಕಾರ್ಯದರ್ಶಿ ಕು. ಡ್ಯಾಫ್ನಿ ಡಿಸೋಜ, ವೈ.ಸಿ.ಎಸ್. ಕಾರ್ಯದರ್ಶಿ ವೆದಿರ್ ಹಾಜರ್ ಅಸ್ಲೆಂ.

ಪಾವ್ಸಿಲ್ಯಾ ದಿಸಾಂನಿ ಪಾವ್ಸ ಖೆಳುನ್ ಫಿರ್ಗಜ್ ಗಾರಾಂನಿ ಅಪ್ಲೊ ಸಂತೋಸ್ ಎಕಾ ಮೆಕಾಥಂಯ್ ವಾಂಟುನ್ ಘೆವ್ನ್, ಪಾವ್ಸಾ ಉದ್ಕಾಂತ್ ಖೆಳುನ್ ಸಂತೋಸ್ ಪಾವಾಜಾಯ್ ಆನಿ ಫಿರ್ಗಜ್ ಕುಟ್ಮಾಚೊ ಎಕ್ವಟ್ ಉಗ್ತ್ಯಾನ್ ಪಾಚಾರಿಜಾಯ್ ಮ್ಹಳ್ಳ್ಯಾ ಉದ್ದೇಶಾನ್ ಹೆಂ ಕಾರ್ಯೆಂ ಆಯೋಜನ್ ಕೆಲ್ಲೆಂ ಜಾವ್ನಾಸಾ.

ವೆದಿಂ ಕಾರ್ಯೆಂ ಸುರ್ವೆರ್ ವೈ.ಸಿ.ಎಸ್. ಸ್ಟ್ಯಾಲನ್ ಫೆರ್ನಾಂಡಿಸ್ ಆನಿ ಪಂಗ್ಡಾ ಥಾವ್ನ್ ಮಾಗ್ಣ್ಯಾ ಗೀತಾ ದ್ವಾರಿಂ ಪ್ರಾರಂಭ್ ಜಾಲೆಂ. ವೈ.ಸಿ. ಎಸ್. ಥಾವ್ನ್ ಸ್ಲ್ಯಾನಿ ಶರೊಣ್ ಡಿಸೋಜಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೊ ಯೆವ್ವಾಕ್ ಮಾಗ್ಲೊ. ವಿಗಾರ್ ಬಾಪಾಂನಿ ಕಾರ್ಯಾಚೆರ್ ದೆವಾಚೆಂ ಆಶೀರ್ವಾದ್ ಮಾಗ್ಲೊಂ.

ಆರ್. ವೈ. ಎಂ. ತರ್ಪೆನ್ ಆಲ್ವಿನ್ ಡಿಸೋಜ, ಅಧ್ಯಕ್ಷ್ ಆವ್ರಿಲ್ ಡಿಸೋಜ, ಕಾರ್ಯದರ್ಶಿ ಡ್ಯಾಪ್ನಿ ಡಿಸೋಜ ಆನಿ ಇತರ್ ಸಾಂದ್ಯಾಚ್ಯಾ ಮುಖೆಲ್ಪಾಣಾಖಾಲ್ ಹಾಜರ್ ಅಸ್ಲ್ಯಾ ಸರ್ವ್ ಫಿರ್ಗಜ್ ಗಾರಾಂಕ್ ವಿವಿಧ್ ಪಾವ್ಸಾ ಖೆಳ್ ಮಾಂಡುನ್ ಹಾಡುನ್ ಮನೊರಂಜಿತ್ ಕೆಲೆಂ. ಹಾಜರ್ ಅಸ್ಲ್ಯಾ ಸರ್ವಾಂನಿ ಯುವಜಣಾ ಸವೆಂ ಅಪ್ಲೊ ಸಾಂಜೆಚೊ ವೇಳ್ ಖರ್ಚುನ್ ಅಪ್ಲೊ ಸಂತೊಸ್ ಉಗ್ತ್ಯಾನ್ ಪಾಚಾರ್ಲೊ. ಆರ್. ವೈ. ಎಂ. ತರ್ಪೆನ್ ಆಲ್ವಿನ್ ಡಿಸೋಜಾನ್ ಧನ್ಯವಾದ ಸಮರ್ಪಣ್ ಕೆಲೆಂ. ಆವ್ರಿಲ್ ಕ್ರಾಸ್ತಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಅಕೇರಿಕ್ ಬಾಯ್ಲಾ ನಾಚ್ ನಾಚುನ್ ಕಾರ್ಯೆಂ ಅಕೇರ್ ಕೆಲೆಂ.

Watch Videos :