Mangalore Diocese News

Report : Mary Pinto

Mangaluru, May 30 : Five couples entered into wedlock in the presence of a large gathering at the 46th mass marriage ceremony organized by St Vincent De Paul Society on Sunday, 26th May 2024 at the Rosario Cathedral.

ರುಜಾಯ್ ಫಿರ್ಗಜೆಂತ್ ಸಾಮೂಹಿಕ್ ಕಾಜಾರಾಚೊ ಸಂಭ್ರಮ್

ಹ್ಯಾಚ್ಚ್ 2024 ಮೇ 26 ವೆರ್ ಆಯ್ತಾರಾ ರುಜಾಯ್ ಫಿರ್ಗಜೆಚಾ ಸಾಂ ವಿಶೆಂತ್ ಪಾವ್ಲ್ ಸಭೆಚಾ ಮುಖೆಲ್‍ಪಣಾರ್ ಪಾಂಚ್ ಜೊಡ್ಯಾಂಚೊ "46 ವೊ ಸಾಮೂಹಿಕ್ ಕಾಜಾರಾಚೊ" ಸಂಭ್ರಮ್ ಆಚರ್ಸಿಲೊ. ನವ್ಯಾ ಫ್ಯಾನಾಂಚೊ ಸ್ವಿಚ್ ದಾಂಬುನ್ ಉಗ್ತಾವಣ್ ಕಾರ್ಯೆಂ ಅಸಾ ಕೆಲೆಂ. ಪವಿತ್ರ್ ಮಿಸಾಚೆಂ ಬಲಿದಾನ್ ಆನಿ ಲಗ್ನಾ ವಿಧಿಚೆ ಮುಖೆಲ್ಪಣ್ ದಿಯೆಸೆಜಿಚೊ ನಿವ್ರತ್ತ್ ಗೊವ್ಳಿ ಬಾಪ್ ಅ|ಮಾ|ದೊ| ಎಲೋಶಿಯಸ್ ಪಾವ್ಲ್ ಡಿ’ಸೋಜಾನ್ ಚಾರ್ ಯಾಜಕಾ ಸವೆಂ ಭೆಟೈಲೆಂ.

ಉಪ್ರಾಂತ್ ಫಿರ್ಗಜ್ ಸಾಲಾಂತ್ ಚಲ್‍ಲ್ಲ್ಯಾ ಕಾಜಾರಿ ಜೊಡ್ಯಾಂಚಾ ಅಭಿನಂದನ್ ಸಂಭ್ರಮಾಕ್ ಬೆಂಗ್ಳುರ್ Cattleya Technosys Pvt Co. ಚೊ ಉಪಾಧ್ಯಕ್ಷ್, ಫಿರ್ಗಜ್ಗಾರ್ ಮಾನೆಸ್ತ್ ಡೈನಿ ಲೋಬೊ ಮುಖೆಲ್ ಸೈರೊ ಜಾವ್ನ್ ನವ್ಯಾ ಹೊಕ್ಲೆ-ನವ್ರ್ಯಾಕ್ ಭಲಾಯ್ಕಿ ಮಾಗೊನ್ ಶುಭಾಶಯ್ ಪಾಟಯ್ಲೆ. ಸುರ್ವೆರ್ ಫಿರ್ಗಜ್ ವಿಗಾರ್ ಮಾ|ಬಾ| ಆಲ್ಫ್ರೆಡ್ ಪಿಂಟೊನ್ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಮಂಗ್ಳುರ್ ಕ್ರೀಸ್ತಿ ಸಮಾಜೆಂತ್ ಚಲವ್ನ್ ವರ್ಚಾ ಸಂಪ್ರದಾಯೆ ಪರ್ಮಾಣೆ, ಅಭಿನಂದನ್ ಕಾರ್ಯೆಂ ಚಲೈಲೆ. ಸಾಂ ವಿಶೆಂತ್ ಪಾವ್ಲ್ ಸಭೆಚಾ ತರ್ಫೆನ್ ನವ್ಯಾ ಜೊಡ್ಯಾಂಕ್ ರೆಸ್ಪೆರಾಚ್ಯೊ ಭಾಂಗಾರಾಚ್ಯೊ ಮುದಿಯೊ, ಸಾಡೊ, ನವಿ ಮುಸ್ತಾಯ್ಕಿ, ಘರ್ಚ್ಯಾಉಪಯೋಗಾಚ್ಯೊ ವಸ್ತು ಇನಾಮಾಂ ರುಪಾರ್ ದಿಲ್ಯೊ. ವಿವಿಧ್ ಫಿರ್ಗಜೆ ಥಾವ್ನ್, ಸಂಘ್ ಸಂಸ್ಥ್ಯಾಂ ಥಾವ್ನ್ ಭರ್ಪೂರ್ ದಾನ್ ದೀವ್ನ್ ಸಂಭ್ರಮ್ ಯಶಸ್ವಿ ರಿತಿನ್ ಚಲಂವ್ಕ್ ಸಹಕಾರ್ ದಿಲ್ಲ್ಯಾ ದಾನಿಂಕ್ ಸಭೆಚಿ ಅಧ್ಯಕ್ಷ್ ಶ್ರೀಮತಿ ಮೇರಿ ಪಿಂಟೊನ್ ಗುಲೊಬ್ ದೀವ್ನ್ ಮಾನ್ ಕೆಲೊ.

ಇಗರ್ಜೆಂತ್, ಮಿಸಾಚೆಂ ಬಲಿದಾನ್ ಆನಿ ಲಗ್ನಾ ವಿಧಿಚಾ ಸಂಭ್ರಮಾಚೆ ಕಾರ್ಯೆಂ ನಿರ್ವಹಣ್ ಶ್ರೀಮತಿ ಐರಿನ್ ಮಾರ್ಟಿಸಾನ್ ಆನಿ ಹೊಲಾಂತ್ ಲಗ್ನಾ ಸಂಭ್ರಮಾಚೆಂ ಕಾರ್ಯೆಂ ನಿರ್ವಹಣ್ ಶ್ರೀ ಆಲ್ವಿನ್ ಡಿ’ಸೋಜಾನ್ ಕೆಲೆಂ. ಸಂಭ್ರಮಾಕ್ ಫಿರ್ಗಜ್ ಯಾಜಕ್, ಗೊವ್ಳಿ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ಜೋನ್ ಡಿಸಿಲ್ವಾ, ಇತರ್ ಗಣ್ಯ್ ವ್ಯಕ್ತಿ (ಸೈರೆ) ಹಾಜರ್ ಆಸ್‍ಲ್ಲೆ. ಸಂಭ್ರಮಾಚಾ ಅಖೇರಿಕ್ ಸಭೆಚಿ ಕಾರ್ಯದರ್ಶಿ ಶ್ರೀಮತಿ ಟ್ರೆಸ್ಸಿ ಡಿಸೋಜಾನ್ ಧನ್ಯವಾದ್ ಪಾಟೈಲೆ. ಜೆವ್ಣಾ ಸವೆಂ ಸಂಭ್ರಮ್ ಅಖೇರ್ ಕೆಲೊ.

Watch Video :