Mangalore Diocese News

CT News 

Mangaluru, May 8 : Rosario Cathedral here witnessed the celebration of Sacrament of Confirmation on 6th May 2024. Most Rev. Dr Peter Paul Saldanha, the Bishop of Mangalore Diocese administered the Sacrament of Confirmation to 33 children of the parish.

ರುಜಾಯ್ ಫಿರ್ಗಜೆಂತ್ ಭುರ್ಗ್ಯಾಂಕ್ ಥಿರಾವ್ಣೆಚೊ ಸಾಕ್ರಾಮೆಂತ್

ಮೇ ಮಯ್ನ್ಯಾಂಚಾ 6 ತಾರಿಕೆರ್ ಸೊಮರಾ ಸಕಾಳಿಂ 10.30 ವರಾರ್ ಪವಿತ್ರ್ ಮಿಸಾಚಾ ಬಲಿದಾನಾ ವೆಳಿಂ ರುಜಾಯ್ ಫಿರ್ಗಜೆಂತ್ಲ್ಯಾ 33 ಜಣಾಂ ಯುವ ಭುರ್ಗ್ಯಾಂನಿ ಥಿರಾವ್ಣೆಂಚೊ ಸಾಕ್ರಾಮೆಂತ್ ಜೊಡ್ಲೊ.

ಪ್ರದಾನ್ ಯಾಜಾಕ್ ಜಾವ್ನ್ ಮಂಗ್ಳುರ್ ದಿಯೆಸೆಜಿಚೆ ಗೊವ್ಳಿ ಭಾಪ್ ಪೀಟರ್ ಪಾವ್ಲ್ ಸಲ್ಡಾನಾ, ವಿಗಾರ್ ಬಾಪ್ ಆಲ್ಫ್ರೆಡ್ ಪಿಂಟೊ, ಬಾಪ್ ವಿನೋದ್ ಲೋಬೊ, ಬಾಪ್ ಸಂತೋಷ್ ಸೋಜ್, ಬಾಪ್ ಹೆರಿ ಸೊಜ್ , ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಭೋವ್ ಆರ್ಥಭರಿತ್ ಪ್ರಸಂಗ್ ಗೊವ್ಳಿ ಬಾಪಾಂನಿ ದಿಲೊ, ಉಪ್ರಾಂತ್ ಸರ್ವ್ ಯಾಜಾಕಾನಿ ಆಪ್ಲೆಂ ಹಾತ್ ಉಚವ್ನ್ ದರ್ನ್, ಪವಿತ್ರ್ ಆತ್ಮ್ಯಾಚಿ ಸಸಾಯ್ ಪಾವೊ ಜಾಂವ್ಚಾಕ್, ಥಿರಾವ್ಣೆಂಚೊ ಸಾಕ್ರಾಮೆಂತ್ ಜೊಡುಂಕ್ ಆಸ್ಚ್ಯಾ ಭುರ್ಗ್ಯಾಂ ಪಾಸಾತ್, ವಿಶೇಷ್ ಮಾಗ್ಣೆಂ ಕೆಲೆಂ.

ಉಪ್ರಾಂತ್ ಥಿರಾವ್ಣೆಂಚಾ ಸಾಕ್ರಾಮೆಂತಾಚಿ ರಿವಾಜ್ ಚಲವ್ನ್ ವೆಲಿ, ಹ್ಯಾ ವೆಳಾರ್ ಭುರ್ಗ್ಯಾಂಕ್ ಪೊದೊರ್ನ್ ಜಾವ್ನ್ ಮೆಲ್ವಿನ್ ಸಿಕ್ವೇರಾ, ಮೊದೊರ್ನ್ ಜಾವ್ನ್ ಎಲಿಜಾಬೆತ್ ರೋಚ್, ಹಾಂಣಿ ಭುರ್ಗ್ಯಾಂಚಾ ಭುಜಾ ವಯ್ರ್ ಹಾತ್ ದವರ್ನ್ ತಾಂಕಾ ಬರೆಂ ಮಾಗ್ಲೆಂ.

ಬಾಪ್ ವಿನೋದ್ ಲೋಬೊನ್ ಥಿರಾವ್ಣೆಂಚಿ ದೊತೊರ್ನ್ ಸಾರ್ಕೆ ರಿತಿನ್ ಶಿಕವ್ನ್, ಸಭಾರ್ ದಿಸಾಂಚಿ ತಯಾರಾಯ್ ಕರುನ್ , ತಾಂಕಾ ಪರಿಕ್ಷಾ ದೀವ್ನ್ , ಪಾವೊತೆಂ ಫಲಿತಾಂಶ್ ಆಪ್ಣಾಂವ್ಕ್ , ಬರೆಂ ಮಾರ್ಗದರ್ಶನ್ ದಿಲೆಂ,

ತೆಚ್ ಪರಿಂ ಗೊವ್ಳಿ ಬಾಪಾಂನಿ ಮಿಸಾಚಾ ಬಲಿದಾನಾಂಚಾ ಪಯ್ಲೆಂ ಏಕ್ ಘಂಟೊ ಬರ್ ಭುರ್ಗ್ಯಾಲಾಗಿಂ ಉಲವ್ನ್, ಸವಾಲಾಂ ಘಾಲ್ನ್ ತಾಂಕಾ ಉತ್ತೇಜನ್ ದಿಲೆಂ. ಹ್ಯಾ ಬಲಿದಾನಾ ವೆಳಿ ಭುರ್ಗ್ಯಾಂಚಿ ವ್ಹಡಿಲಾಂ ವಡಾ ಸಂಖ್ಯಾನ್ ಮಿಸಾಚಾ ಬಲಿದಾನಾಂತ್ ಭಾಗ್ ಘೆವ್ನ್ , ಆಪ್ಲ್ಯಾ ಭುರ್ಗ್ಯಾಂ ಪಾಸತ್ ಪವಿತ್ರ್ ಆತ್ಮ್ಯಾಂಚಿ ಸಸಾಯ್ ಮಾಗೊನ್ ಘೆತ್ಲಿ.

ಹ್ಯಾ ವೆಳಾರ್ ಭುರ್ಗ್ಯಾಂನಿಂಚ್ ಮಿಸಾಚಿ ಲಿತುರ್ಜಿ ಆಪುರ್ಬಾಯೆನ್ ಚಲವ್ನ್ ವೆಲಿ. ಮಿಸಾಚಾ ಬಲಿದಾನಾಂ ಉಪ್ರಾಂತ್ ಸಾಕ್ರಾಮೆಂತ್ ಜೊಡ್ ಲ್ಲ್ಯಾ ಭುರ್ಗ್ಯಾಂ ಸಾಂಗಾತಾ , ಗೊವ್ಳಿ ಬಾಪ್ ಆನಿ ಹೆರ್ ಯಾಜಾಕಾಂನಿ , ಪಂಗಡ್ ಪೊಟೊ ಕಾಡ್ಚಾಕ್ ಸಾಂಗಾತ್ ದಿಲೊ. ಉಪ್ರಾಂತ್ ಸರ್ವ್ ಭುರ್ಗ್ಯಾಂಕ್ ಫಳ್ಹಾರ್ ದಿಲೊ.