Mangalore Diocese News

CT News

Mangaluru, July 14 : Catholic Sabha Mangalore Pradesh (R) held its Annual General Meeting on Sunday, 9th July 2023 at Milagres PU College hall. President Stany Lobo conducted the meeting.

The meeting was followed by new committee taking charge under the leadership of president Alwyn Dsouza. Spiritual Director Rev Dr J B Saldanha was present and wished well for the association.

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ) ಹಾಚಿ ವಾರ್ಷಿಕ್ ಜೆರಾಲ್ ಜಮಾತ್ ಆನಿಂ ಹುದ್ದೊ ಹಸ್ತಾಂತರ್ ಕಾರ್ಯೆಂ

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ) ಹಾಚಿ ವಾರ್ಷಿಕ್ ಜೆರಾಲ್ ಜಮಾತ್ ತಾ. 09-07-2023ವೆರ್ ಆಯ್ತಾರಾ ಸಕಾಳಿಂ 10.00 ವೊರಾರ್ ಮಿಲಾಗ್ರಿಸ್ ಪಿಯು ಕಾಲೇಜಿಚ್ಯಾ ಸಭಾಸಾಲಾಂತ್ ಚಲೊವ್ನ್ ವ್ಹೆಲಿ.

ಅಧ್ಯಕ್ಷ್ ಸ್ಟ್ಯಾನಿ ಲೋಬೊನ್ ವಾರ್ಷಿಕ್ ಜೆರಾಲ್ ಜಮಾತ್ ಚಲವ್ನ್ ವೆಲಿ. ಕಾರ್ಯದರ್ಶಿ ನೋರಿನ್ ಪಿಂಟೊನ್ ವರ್ದಿ ಆನಿ ವಾರ್ಷಿಕ್ ಲೇಕ್ ಖಜನ್ದಾರ್ ಅಲ್ಪೋನ್ಸ್ ಫೆರ್ನಾಂಡಿಸ್ ನ್ ಮಂಡನ್ ಕೆಲೆಂ. ಆಮ್ಚೊ ಸಂದೇಶ್ ಸಂಪಾದಕ್ ಮಾನೆಸ್ತ್ ವಿಲ್ಫ್ರೆಡ್ ಲೋಬೊನ್ ಆದ್ಲ್ಯಾ ವರ್ಸಾ ಅತ್ಯಧಿಕ್ ಜಾಹಿರಾತಾಂ ಜಮಾಯ್ಲ್ಯಾ ಎಪಿಸ್ಕೋಪಲ್ ಸಿಟಿ ವಾರಾಡೊ- ಪಯ್ಲೆಂ ಸ್ಥಾನ್, ದುಸ್ರೆ ಸ್ಥಾನಾರ್ ಬಂಟ್ವಾಳ್ ವಾರಾಡೊ ಆನಿ ತಿಸ್ರ್ಯಾ ಸ್ಥಾನಾರ್ ಮೂಡುಬಿದ್ರಿ ವಾರಾಡೊ ಹಾಂಕಾ ಬಹುಮಾನಾಂ ದೀವ್ನ್ ಸನ್ಮಾನ್ ಕೆಲೆಂ. ಅತ್ಯಧಿಕ್ ವರ್ಗಣಿ ಜಮಾಯ್ಲ್ಯಾ ದೆರೆಬೈಲ್ ಘಟಕ್- ಪಯ್ಲೆಂ ಸ್ಥಾನ್, ಮೂಡುಬಿದ್ರಿ - ದುಸ್ರ್ಯಾ ಸ್ಥಾನಾರ್ ಆನಿ ಬೆಂದುರ್ ಘಟಕ್- ತಿಸ್ರ್ಯಾ ಸ್ಥಾನಾರ್ ಹಾಂಕಾ ಸನ್ಮಾನ್ ಕೆಲೊ. ಬೆಂದುರ್ ಘಟಕಾಚ್ಯಾ ವಿನ್ನಿ ಡಿಸೋಜ ಹಿಕಾ ಅತ್ಯಧಿಕ್ ವರ್ಗಣಿ ಕೆಲ್ಲ್ಯಾ ಖಾತಿರ್ ಶೋಲ್ ಪಾಂಗುರ್ನ್ ಸನ್ಮಾನ್ ಕೆಲೊ. ಉಪ್ರಾಂತ್ 4 ಭುರ್ಗ್ಯಾಂಕ್ ಉಂಚ್ಲ್ಯಾ ಶಿಕ್ಪಾ ಖಾತಿರ್ ಸ್ಕೋಲರ್ಶಿಪ್ ವಾಂಟ್ಲೆಂ. ಎಕಾ ಭುರ್ಗ್ಯಾಕ್ ಕರ್ನಾಟಕ ರಾಜ್ಯಂತ್ ವಾಣಿಜ್ಯ್ ವಿಭಾಗಾಂತ್ ಅಟ್ವೆ ರೇಂಕ್ ಆಪ್ಣಾಯಿಲ್ಲ್ಯಾ ಖಾತಿರ್ ಸನ್ಮಾನ್ ಕೆಲೆಂ. ಸ್ರೀಯಾಂಚಾ ದಿಸಾ ನೃತ್ಯ್ ಸ್ಪರ್ಧ್ಯಾಂತ್ ಭಾಗ್ ಘೆತ್ ಲ್ಲ್ಯಾ ಸ್ತ್ರೀಯಾಂಕ್ ಸರ್ಟಿಫಿಕೇಟ್ ದೀವ್ನ್ ಅಭಿನಂದನ್ ಪಾಟಯ್ಲೆಂ.

ಹುದ್ದೊ ಹಸ್ತಾಂತರ್ ಕಾರ್ಯೆಂ ಚುನಾವ್ ಸಂಚಾಲಕ್ ಮಾನೆಸ್ತ್ ನೈಜಿಲ್ ಪಿರೇರಾನ್ ಚಲವ್ನ್ ವೆಲೆಂ. ಅಧ್ಯಕ್ಷ್ ಜಾವ್ನ್ ಮಾನೆಸ್ತ್ ಆಲ್ವಿನ್ ಡಿಸೋಜ ಆನಿ ಕೇಂದ್ರೀಯ್ ಹುದ್ದೆದಾರಾಂನಿಂ ಭಾಸಾವ್ಣಿ ಕರ್ನ್ ಹುದ್ದೊ ಸ್ವೀಕಾರ್ ಕೆಲೊ. ಅಧ್ಯಕ್ಷಾನ್ ತಾಚಿ ಭೊಗ್ಣಾಂ ಉಚಾರ್ನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಳೆಂ. ನವ್ಯಾನ್ ವಿಂಚುನ್ ಆಯಿಲ್ಲ್ಯಾ ಅಧ್ಯಕ್ಷ್ ಆಲ್ವಿನ್ ಡಿಸೋಜನ್, ಕಥೊಲಿಕ್ ಸಭೆಚ್ಯಾ ಬರೆಂಪಣಾ ಖಾತಿರ್ ಆಪ್ಣೆಂ ಕರುಂಕ್ ಚಿಂತ್ ಲ್ಲ್ಯಾ ಕಾರ್ಯಾಕ್ರಮಾಂ ವಿಶಿಂ ಆಪ್ಲಿ ಭೊಗ್ಣಾಂ ಉಚಾರ್ಲಿಂ ಆನಿ ಸರ್ವಾಂಚೊ ಸಹಕಾರ್ ವಿಚಾರ್ಲೊ. ಅತ್ಮೀಕ್ ನಿರ್ದೇಶಕ್ ಬಾಪಾಂನಿಂ ತಾಂಚೊ ಸಂದೇಶ್ ದಿಲೊ. ಜೆವ್ಣಾಂ ಸವೆಂ ಕಾರ್ಯೆಂ ಅಖೇರ್ ಜಾಲೆಂ.